Parolle di Francesca Maria Alzini
(28/12/2015)
Aghju
scontru u me amicu Migaglia, m'hà dettu:
O cumpà,
semu stanchi di sente tutti sti bataloni
francesi, chi s'è ùn mi sbagliu, ci stuzzicanu
l'arechje. Cum'è i sumeri avemu una cimicicula
nant'à u spinu, è un ci hè mezu di stà quieti
quandu i pinzuti ci tiranu u pelu. Ma noi, o
cumpà, persi in lu nostru castagnettu, sapemu
dighjà ch'è a Francia s'addibulisce pianu pianu
è cusi, puderemu piu tardi, piglia senza danni,
a nostra independenza.
|
Parolle di Ghjuvan Paulu Giorgioni
(2/1/2016)
Oghi i
ghjurnalisti dicenu ciò chì ci tocca à manghjà,
ciò chì no duvemu pinsà. Cusi avemu u stomacu cuzzu
è u chjuchinu pienu. Cù l'omi di bè chi facenu a
pulitica parigina, ci spieganu l'avene di à
Francia di dopu dumane, ancu quellu di a Corsica.
Ohimè ! Ùn sò mai vinuti in Corsica ma sanu
tuttu, capiscenu subitu ciò chi hé pocu chjaru
ind'è noi. U ministru chì ghjunghje a prima volta,
cù parole forte in bocca, sparghje a
civilisazione, quella di u " vivre ensemble "
chì fiurisce in
la foriporta di e cità francese.
|
|
Parolle di Teresa Ciarluci
( 3/1/ 2016 )
U sgiò presidente, quellu
di a Francia, pà u capu d'anu hà fattu un
bellu discorsu pà dici ch'ellu era in guerra,
ch'ellu era capace di prutege è cunduce a
Francia, di sminuisce a straziera, di dà un
impiegu à tutti è s'è ùn mi sbagliu, di fà
miraculi. Ma à a fine di u so batalume parlendu
di a Corsica, hà omessu di difende i spegnifochi
d'Ajaccio. Allora, ch'ellu vaghi ........!
|
|
Parolle di Filippu Segroni
Avà, ci semu. Annant'à i muri francesi , i
nostri tags "stranieri fora" sò scritti in corsu.
Han ! Han ! A nostra lingua corre pà stu mondu
par dì ciò ch'ùn si dice micca. In America,
Trump hà dettu a listessa cosa.
In Europa i "chjochi pilati "
pensanu chè u troppu stoppia è ch'è i saracini
volenu culunizà i nostri paesi. Calais, accoglie,
millaie di stranieri chì mettenu a bischiza in
la cità. Pà i nostri virtuosi ministri, u lascia
corre saria a raghjonevule soluzione...
Ohimè !
|
|
Parolle di Arrighi u
litiese
Aghju
scontru u me amicu " Stévanu ". M'hà dettu:
-
Scrivi in lingua muntagnola, sturiette paisane,
ma sè scemu, nimu avarà a voglia ne u
tempu di leghje i to scritti.
- Eppò, a sai bè o Stè,
i zitelli d'avà ghjoganu in francese in le corti
di e scole, in li carrughji di u paese.
Allora, a lingua corsa ..... ohimè !
- M'ai dettu
chì tu avii mandatu u to
libru à qualchì maestri di scola.
-
A risposta, l'aspettu sempre. Mancu un
ringraziu !
- Dopu dumane, sarà troppu tardi pà salvà a
lingue nustrale ?
-
No ! Ma ci hè una mansa di sapienti chì credenu
ch'elli sò soli a pudè fà qualcosa, senza l'aiutu
di e famille, di a scola , di u populu chì
parla, chì canta è chì scrive canzoni è poesie.
|
|
Parolle di u litiese.
Aghju imparatu à a scola, ch'è a Corsica, in li tempi s'era staccata da u
cuntinente è cusi pocu à pocu s'era aluntanata
di a Francia. Cum'è un battellu chì si ne và,
senza sapè induv'andà, s'hè firmata à mezzu
mare. In quelli tempi, ùn c'era a CGT, stu
sindicatu francese chì impidisce i battelli di
parte. Hà messu u tempu pà ghjunghje quì.
Partendu s'era scurdata di discioglie una funa chì
s'hè alungata senza strappà. Cusì semu
impastuchjati è a Francia ùn vole lentà u ligame.
Oghji i marsigliesi CGT incappianu i nostri battelli,
è impediscenu u pass'è vene di e marcanzie è di
i passaghjeri. Allora ringraziu à l'omi di
bè chì fanu oghji a pulitica corsa, di vulè
strappà a corda, è di fà nasce una cumpagnia
maritima isulana.
Arrighi u litiese.
|
|
U me amicu Francescu hà studiatu a storia
di Francia...
So andati in Parigi, i nostri presidenti, forti
di u nostru sustene. U primu ministru hà dinò
dettu è ùn sarà micca l'ultima volta, ch'è
a ripublica francese saria " une et
indivisible". Ma in cinquant'anni, stu paese di
ghjente tistarda, hà persu tutte e so culunie, in
Asia, in Africa è ancu certe isole luntane. Sempre
dicendu no à e vulintà di u nostru populu anu da
perde ancu a Corsica.
Anch'eiu aviu qualcosa è dìlli
:
O cumpà, stu valente ministru, Vvaallss, spiega ch'è u to nome
è quellu di u to
babbu, devenu esse scritti in
francese, a lingua naziunale, annant'à a to
carta d'identità. Francescu diventa François e
ti daranu pè rigalu a cediglia. Ùn volenu sente, sti ripublicani e lingue di Brittagna, di
Corsica, di a pruvincia Basca è tant'altre. Pensanu
ch'elle sò lingue salvatiche! Cusì sunaremu di
l'urganettu è cantaremu pà falli piace e
paghjelle niulinche cù melodie è parolle parigine.
|
|
E
prighjò di Francia, stu paese di " i diritti
di l'omu
" sò piene di prighjuneri pulitichi ! Saria u
tempu di u ritornu in paese. Tutti si virtuosi
ministri ci parlanu sempre di democrazia, ma sò
cionchi è tistardi. Però a Corsica sta
volta hà sceltu a pace è u votu pà fassi sente.
Allora, à quandu a nostra libertà ?
Arrighi u litiese.
|
|
Sustegnu à Yvan Colonna
Andate annant'à Google è scrivite in francese :
"Comité de soutien à Yvan Colonna".
|
|
U me amicu Saveriu vinia da Olbia. Un
ghjornu m'ha dettu : "Eiu pensu ch'è a Corsica
hè a surella di a Sardegna ma tù sè francese è
eiu sò taglianu. Oghje semu tutti
Europeani. Ma noi avemu acquistu un
statutu di autonomia in 1948 ".
O Savè, noi, in
cinquant'anni di rivolta semu sempre un
dipartimentu appiccicatu à a Francia. A nostra
altiera nazione dà e lizziò di dimucrazia à u
mondu, face a guerra dapertutu, vuria esse u
solu paese à difende " i diritti di l'omu
", e so prighjò sò piene di prighjuneri
pulitichi corsi, ma ùn hà cura di sente a voce
di u populu isulanu... Induv'andemu cusì ?
...... Arrighi u litiese
|
|
U
presidente Hollande, hè l'ultimu traculinu
francese chì corre pà stu mondu. Hè andatu
à vende l'aviò "Miragiu" in India. Elli
pagaranu piu tardi cù cecci sechi è fichi
pisciatini. Hà ricivutu pà rigalu una vacca
sacra, scalancata secca è curnuta. Ha dighjà
pigliatu u batellu è ghjunghjerà doppu dumane in
Parigi. Più tardi u so vitellu hà da
nasce in Francia cù a doppia nazionalità. I
ghjurnalisti anu da chjachjarà durante un mese
pà sapè s'è u vitellu hè francese, troppu o micca,
indianu veru o ingannosu. Cusi ùn parlaranu di u
disimpiecu, di a miseria, di a Francia chì si ne
và à straziera. .... Arrighi u
litiese...
|
- O cumpà ! L'avvene di a Corsica? Chì ne pensi
?.
- O vichjacò, noi, avaremu u tempu, u nostru
avvene hà da durà un'eternità.
- Poi risponde senza scherzà.?
- Mi pigli pà Nostradamus! Guardendu ciò ch'ellu
si vede avà, possu forse accende u to lampione.
Parlemu di a tarra corsa. Una mansa di
casalachji, più corsi cà l'altri, anu vindutu i
belli terreni in piaghja, chì si coprenu di case
stragnere, di muri e di strade in mezu à l'orti,
e vigne, i rughjoni par l'allevu.
- Quelli chi anu mozzu un pizzatellu di tarra
nostra avarianu vendutu ancu a camisgia di notte
di minnanna.
- Ma sta cumedia varcuniosa ùn hè finita.
Annant'à i muri in piaghja, hè scrittu neru
l'avvene di a Corsica.
Arrighi u litiese
|
L'avvene di a
Corsica
- O vichjacò ! L'avvene di
a Corsica? Chì ne pensi ?.
- Noi, avaremu u tempu, u
nostru avvene hà da durà un'eternità.
- Poi risponde senza
scherzà.?
- Mi pigli pà Nostradamus!
Guardendu ciò ch'ellu si vede avà, possu forse accende u to lampione.
- Lascemu corre a pulitica.
- Aghju capitu. Parlemu di
a tarra corsa. Una mansa di casalachji, più corsi cà l'altri, anu vindutu i
belli terreni in piaghja, chì si coprenu di case stragnere, di muri e di strade
in mezu à l'orti, e vigne, i rughjoni par l'allevu. Peghju ! I nostri
chjosi sò pieni di lamaghje. I nostri castagni morenu tutti da l'inchjostru, i
mulini sò spiantati, e macine di i fragni sò state vindute à i pinzutti par
adurnà in piaghja l'intrate di e so case. Ùn parlemu di i siccarecci in muntagna,
chì anu persu un pezzu di tettu, a porta, è ascondenu i porchi lintati.
- O cumpà, falla finita, bei u vinu corsu?
Magni e clementine ?
E castagne sò siccate in
lu fornu, e macine giranu à l'etricità, l'oliu nasce in li fragni
« inoxydables », u brocciu sgotta in le casgiaghje di plasticu. Oghji a gente
campa in le cità ? I ghjovani studianu à u liceu o à l'università. Eccu l'avvene
di a Corsica ! Tempi d'innanzu, tempu d'avà !
- È l'avvene di i sumeri ?
- Intantu, in le nostre
scole ci ne hè sempre.
- L'altri correnu in lu
castagnetu, anu pigliatu a ritirata, è l'imbasti sò esposti in li musei.
Arrighi u litiese